Денис Тен өзінің жаңа қызығушылығы жайында айтып берді

Сочи Олимпиадасының қола жүлдегері қазақстандық мәнерлеп сырғанаушы Денис Тен өзінің жаңа қызығушылығы жайында айтып берді, - деп хабарлайды Vesti.kz.

Сочи Олимпиадасының қола жүлдегері қазақстандық мәнерлеп сырғанаушы Денис Тен өзінің жаңа қызығушылығы жайында айтып берді, - деп хабарлайды Vesti.kz.

Спортшының айтуынша, ол бұрыннан бері суретке түсірумен айналысады. Ол өз жұмыстарын жариялау үшін Instagram желісінде жеке аккаунт ашып қойыпты. Оның сөзіне қарағанда, ол мұнымен "өзінің ми сауытындағы дүниесімен бөлісу" үшін айналысады.

"Суретті және өнердің өзге түрлерін жақсы көрем. Балалық шақта суретшінің қолынан шыққан әрбір дүниеде оның ашқысы келетін түпсіз тереңдік, үлкен тарих жатқандай болатын. Бұл менің философиямен айналысуыма шабыт берді, тіпті мұнда да тығыз байланыс бар. Бірақ бұл жерде - философияда, өнерде және өзгелерінде тек ойдың бар екенін кенеттен түсініп, мен "ойға" келе бастадым, өнердегі форма мен бояу бізге форма мен бояу туралы ғана айтады - басқа ештеңе айтпайды. Алайда бұл пікір де қате болуы мүмкін", - деп жазды Тен.

Теннің айтуынша, ол @d10world аккаунты арқылы "өзінің ми сауытындағы дүниелерімен" бөліскісі келеді.

D10World аккаунтында тұңғыш сурет бір апта бұрын жарияланды. Бірнеше күннің ішінде парақшаға 427 адам жазылды. Жарияланған жұмыстардың арасында волейболшы Сабина Алтынбекованың және бокстан олимпиада чемпионы Серік Сәпиевтің суреті бар.

Фотография Мәнерлеп сырғанау