+7 (777) 001 44 99
Қазақша
Русский
English
Fight Nights Global 73 турниріндегі бразилиялық Диего Брандао мен ресейлік ресейлік Ахмед Алиевтің жекпе-жегі даумен аяқталды.
Алиев екінші раундта партерде қарсыласының үстінде жатып, Брандаоны баспен ұрған. Рефери ескерту жасау үшін дереу жекпе-жекті тоқтатқан, осы кезде ресейлік файтер қарсыласына бірнеше соққы жасап үлгерген.
Брандао ашуға беріліп, Ахмедтің басынан тепкен, осыдан кейін бразилиялық жекпе-жектен бас тартып, октагоннан шығуды ойлады. Оңтүстікамерикалық қоршаудан шыққан бетте трибунадан шөлмек пен қоқыс жауған.
Кейін ұйымдастырушылар Брандаоны октагонға кіруге көндіріп, ол кездесуден бас тартып, Алиевтің қолын көтерді. Осылайша бразилиялық техникалық жеңіліске ұшырады.
Еске салайық, ережесіз жекпе-жекте мұның алдында да осындай оқиға болған еді. 22 сәуірде Қазанда өткен "Бои по правилам TNA на кубок TATNEFT" чемпионатында Бішкек спортшысы Дастан Шаршеев 1/8 финалда ресейлік Антон Калининнен жеңілген еді. Алайда ол төрешілердің шешіміне қарсы шығып, рингтен кетпей қойды. Күзетшілер де спортшыны райынан қайтара алмай қойған.
