+7 (777) 001 44 99
Қазақша
Русский
English
Қазақша
Русский
English
Қазақстанның жауынгерлік өнер қауымдастығы президенті лауазымына Ермек Сағымбаев сайланды, - деп хабарлайды Tengrinews.kz тілшісі.
"Қауымдастықтың бірінші вице-президенті лауазымына Мәлік Мырзалин, ал вице-президенттер қызметіне Берік Құнанбаев, Серік Жарасбаев және Сәрсен Құранбек сайланды. Жиналыс барысында қауымдастық қызметінің стратегиялық мақсаттары мен бағыттары анықталып, жұмыс жоспары бекітілді", - делінген хабарламада.
Айта кетейік, Қазақстанның жауынгерлік өнер қауымдастығы 2019 жылдың басында құрылды. Ұйым құрамына олимпиадалық емес спорт түрлері бойынша 26 федерация кіреді.
Қауымдастықтың басты мақсаты - жауынгерлік өнерді дамыту, насихаттау және дәріптеу, өскелең ұрпақты спортпен айналысуға тарту, сондай-ақ олимпиадалық емес спорт түрлерінің имиджін көтеру. Сонымен қатар, бұл қауымдастық каратэ, қоян-қолтық күрес, ММА аралас жекпе-жек, грэпплинг, джиу-джитсу, самбо, панкратион, у-шу, муай-тай, кикбоксинг, таэквондо, белбеу күресі, әмбебап күрес және жекпе-жектің өзге де түрі бойынша жұмыс істейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
