+7 (777) 001 44 99
Қазақша
Русский
English
Қазақстандық балуан Гүзел Манюрова Рио-де-Жанейро Олимпиадасының күміс медалін жеңіп алды, - деп хабарлайды Tengrinews.kz тілшісі.
75 келіге дейінгі салмақта күресетін қазақстандық балуан алтын медаль үшін финалдық кездесуде канадалық 27 жастағы Эрика Уибемен белдесті. Екі кезеңнің қорытындысы бойынша канадалық спортшы басым түсті.
Жартылай финалда Лондон Олимпиадасының 38 жастағы қола жүлдегері 29 жастағы ресейлік Екатерина Букинамен белдескен болатын. Ресейлік бірінші раундта 8:1 есебімен жеңіп жатқан. Ал екінші кезеңде Манюрова есепті 6:8 қылды, ал соңғы секундтарда таза жеңіске жетті. Еске салайық, Олимпиададағы бірінші кездесуінде Манюрова венгрдің 22 жастағы палуаны Жанетт Неметті 12:2 есебімен жеңген еді. Ал ширек финалда ол Камеруннан келген 31 жастағы Аннабель Алиден басым түсті - 8:6.
