+7 (777) 001 44 99
Қазақша
Русский
English
28 шілде 2020 | 12:38
Хабиб карьерасындағы соңғы жекпе-жегін Сен-Пьерге қарсы өткізуі мүмкін - UFC басшысы
Жеңіл салмақта UFC чемпионы Хабиб Нурмагомедов карьерасындағы соңғы жекпе-жегін канадалық Жорж Сен-Пьерге қарсы өткізуі мүмкін. Бұл туралы UFC басшысы Дэйна Уайт айтты, - деп хабарлайды РИА Новости.
ПОДЕЛИТЬСЯ
Жеңіл салмақта UFC чемпионы Хабиб Нурмагомедов карьерасындағы соңғы жекпе-жегін канадалық Жорж Сен-Пьерге қарсы өткізуі мүмкін. Бұл туралы UFC басшысы Дэйна Уайт айтты, - деп хабарлайды РИА Новости.
Нурмагомедов алдағы жекпе-жегінде амирикалық Джастин Гэтжимен жұдырықтасады. 9 мамырда жеңіл салмақта Джастин Тони Фергюсонді мерзімінен бұрын жеңіп, UFC-дің уақытша чемпионы атанған еді.
Хабиб пен Джастин Гэтжидің кездесуі Әбу-Дабиде қазанда өтеді. Бұл жекпе-жек қыркүйекте өтуі керек болған. Алайда ресейлік спортшының 58 жастағы әкесі Абдулманап Нурмагомедовтің қайтыс болуына байланысты кездесу шегерілген еді. Дэйна Уайт ресейлік спортшының өз-өзіне келуіне уақыт керегін айтып, Нурмагомедовті мазаламайтынын атап өткен.
"Конор (МакГрегор) қарымта кездесуді талап етіп отыр. Ол соңғы жекпе-жектен кейін (2018 жылдың қазаны) онымен қайта жұдырықтасқысы келіп жүр. Бұл кездесуді қалай өткізуді білмеймін. Оны уақыт көрсетеді. Әрине, Сен-Пьермен кездесу ұйымдастырылуы мүмкін. Егер ол Нурмагомедовтің соңғы жекпе-жегі болса. Ол өзін спортта, күресте жақсы жағынан көрсете білді. Маған Хабиб қатты ұнайды. Сондықтан мен ол нені қаласа, соны ұйымдастыруға дайынмын", - дейді Уайт.
Айта кетейік, осыған дейін Нурмагомедов Сен-Пьерге қарсы жұдырықтасқысы келген. 2019 жылдың ақпанында канадалық спортшы карьерасын аяқтайтынын мәлімдеген. Ол тек Хабибпен жекпе-жек ұйымдастырылса ғана шаршы алаңға шығуға дайын екенін айтқан.
Хабиб Нурмагомедов - жеңіл салмақтағы UFC чемпионы. 31 жастағы ресейлік спортшы 28 жекпе-жек өткізіп, оның барлығында жеңіске жеткен.
Қазақстан жаңалықтары. Соңғы жаңалықтар. Telegram желісінде бізге жазыл!
Показать комментарии
Читайте также
