Қазақстандық файтер Жалғас Жұмағұлов Лас-Вегаста (Невада, АҚШ) UFC Fight Night 207 турнирінде өтетін жекпе-жекке дайындығы туралы айтты, - деп хабарлайды Tengrinews.kz тілшісі Vesti.kz сайтына сілтеме жасап.
"Соңғы жаттығуларды аяқтап жатырмыз. Дүйсенбіде Вегасқа жекпе-жекке ұшамыз. Альхамдулиллах, формам жақсы. Сіздерді жеңісіммен қуантамын. Мүлдем басқа адам болып оралдым", - деді файтер Instagram-да.
Еске салайық, турнир Қазақстан уақыты бойынша 5 маусымда өтеді. Жұмағұловтың қарсыласы - америкалық Джефф Молина. Кейінгі жекпе-жекте жеңілген қазақстандықтың кездесуі алдын-ала кардта өтеді. Шоудың басты оқиғасы Александр Волков пен Джаирзиньо Розенстрайк арасындағы жекпе-жек болады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
