Жұмағұловтың UFC-дегі екінші жекпе-жегі өтпейтін болды - БАҚ

Қазақстандық спортшы Жалғас Жұмағұловтың UFC-дегі екінші жекпе-жегі өтпейтін болды. Бұл туралы танымал ресейлік инсайдер-журналист Игорь Лазорин Instagram желісіндегі парақшасында жазды, - деп хабарлайды Tengrinews.kz тілшісі.

"Жалғас Жұмағұловтың Амир Альбазиге қарсы жекпе-жегі 28 қарашада өтпейді. Америкалық виза мақұлданғанына қарамастан, консулдықта Жалғасқа төлқұжаты қайтарылған жоқ. Жекпе-жек 12 желтоқсанға ауыстырылуы мүмкін", - деп жазды Игорь Лазорин.

Айта кетейік, Жұмағұлов пен Альбази арасындағы жекпе-жек 29 қарашаға қараған түні UFC Fight Night 184 турнирінде өтуі керек еді. Екі спортшы да шілдеде UFC-де дебют жасаған болатын. Жұмағұлов төрешілердің шешімі бойынша жеңіліп, Албази жеңіске жеткен еді.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!