+7 (777) 001 44 99
Қазақша
Русский
English
Қарағанды облысының Осакаровка кентінде Нигериядан келген спортшы бірнеше футбол құрамасын жаттықтырады: кәсіби, әуесқой және ардагер. Самуэль Обиннанға тұрғылықты жерді жергілікті меценаттар ұсынған, - деп хабарлайды Tengrinews.kz тілшісі "Хабар 24" телеарнасына сілтеме жасап.
"Осакаровканы жақсы көремін. Маған Aulafit бағдарламасы ұнайды. Қазақстанға футбол ойнауға Нигериядан келдім. Менің елімде спортты дамыту бойынша мұндай бағдарлама жоқ. Балалармен ғана емес, ересектермен де дайындық жүргіземін", - дейді Aulafit бағдарламасының жаттықтырушысы Самуэль Обинна.
Ол тек футбол тәлімгері ғана емес, сонымен қатар фитнес-жаттықтырушы. Жаттығу таза ауа аясында өткізіледі. Ауладағы фитнеске балалар да, жас аналар да, зейнеткерлер де қатыса алады.
"Осакаровка аумағынан шықпай-ақ, спортты тегін дамыту өте жақсы бағдарлама және жақсы идея. Бұл бағдарлама жас буынның адамдармен қарым-қатынас жасай алу қабілетін ашады деп сенемін", - деді Осакаровка кентінің тұрғыны Әнел Оспанова.
Осакаровкада 2 мыңға жуық бала бар. Кентте 5 спорт алаңы және дене шынықтыру-сауықтыру кешені бар, онда 10-ға жуық секция жұмыс істейді. Қазір аула спорты белсенді дамып келеді.
Жоба бастамашылары Осакаровкадағы балаларға еліміздің ең атақты спортшыларымен кездесу ұйымдастыруды жоспарлап отыр. Телеарна мәліметі бойынша, Aulafit бағдарламасы үшін қарастырылған келесі орын - Нұра ауданының Молодежный кенті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
