Қазақстандық ауыратлет Денис Уланов Олимпиада-2016 қола медалін алады

11 Қазан 2016, 18:45
0
Қазақстандық ауыратлет Денис Уланов Олимпиада-2016 қола медалін алады - © youtube.com
© youtube.com

Қазақстандық ауыратлет Денис Уланов Рио-де-Жанейрода өткен Олимпиада-2016 ойындарының қола медалін алады, - деп хабарлайды Vesti.kz.

Бұл туралы Риодағы Олимпиада ойындарына арналған Халықаралық ауыр атлетика федерациясының (IWF) журналында жарияланған.

Жарыс қорытындысы бойынша 85 келі салмақ дәрежесіне дейін Уланов үшінші орынға ие болғаны көрсетілген, себебі румын Габриэль Синкраянның жеңісін жоққа шығарған.

Румын БАҚ-тарының мәліметінше, 85 келіге дейінгі салмақ дәрежесінде үшінші орын алған зілтемірші Габриэль Синкраянның қанында тыйым салынған заттар бар болып шыққан. Халықаралық ауыр атлетика федерациясы бұл туралы ресми мәлімдеген жоқ. Алайда Сикраянның Олимпиададағы нәтижесі жойылады деп күтіліп отыр екен. Осылай болған жағдайда медаль қазақстандық Улановқа өтеді. 

Айта кетейік, Уланов пен Синкраян Рио Олимпиадасында бірдей көрсеткіш көрсеткен - 390 келі. Алайда румын спортшысы қазақстандықтан жеңіл болып, қанжығасына Олимпиада медалін байлаған еді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай