+7 (777) 001 44 99
Қазақша
Русский
English
Моңғолияда өткен күрестен Азия чемпионатында қазақстандық грек-рим күресінің балуаны Мейіржан Шермаханбет жеңіске жетті, - деп хабарлайды Tengrinews.kz тілшісі Vesti.kz сайтына сілтеме жасап.
67 келіге дейінгі салмақ дәрежесінде белдескен қазақстандық екі дүркін әлем чемпионы оңтүстіккореялық Хан Сю Рюді 4:0 есебімен жеңді.
Сондай-ақ, 20 сәуірде қазақстандықтар тағы екі финалдық кездесуге қатысады.
72 келіге дейінгі салмақта Абылайхан Әмзеев Мохамад Реза Хойотолламен (Иран) кездеседі. 82 келіге дейінгі салмақ дәрежесінде Диас Кален тағы бір ирандық Расул Саде Гармсиримен күш сынасады.
97 келіге дейінгі салмақта Санжар Серікхан Такихито Цурудомен (Жапония) қола жүлдені сарапқа салады.
Бұған дейін 60 келі салмақта өнер көрсеткен Ернұр Фидахметов қола жүлдеге қол жеткізген болатын. Ол Моңғолиядан келген қарсыласы Балжиннам Цэвэнравданды 12:6 есебімен жеңді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
