Қазақстандық Arlan MMA Pro Team командасы атынан шыққан ресейлік UFC файтері Мовсар Евлоев (16-0) америкалық промоушенде жеңіске жетті. Ол Лас-Вегаста (Невада, АҚШ) өткен UFC Vegas 56 турнирінде жұдырықтасты, - деп хабарлайды Vesti.kz.
28 жастағы Евлоевтің қарсыласы 30 жастағы америкалық Дэн Иге (15-6) болды. Жекпе-жек алдында Дэн жеңіл салмақтағы үздік ондықта болса, Мовсар рейтингте 13-орынға тұрақтаған. Жекпе-же нәтижесінде 30:26, 30:27, 30:27 есебімен төрешілердің бірауыздан қабылдаған шешімі бойынша ресейлік файтер жеңіске жетті.
Бұл - жеңілмеген Мовсардың 16 жекпе-жектегі 16-жеңіс, ал UFC-дегі алтыншы жеңісі. Иге болса үшінші рет қатарынан жеңілген. Бұл оның мансабында алтыншы жеңілісі болды.
Еске салайық, дәл осы турнирде Жалғас Жұмағұлов (14-7) UFC аясындағы екінші жекпе-жегінде қатарынан жеңілген болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
