+7 (777) 001 44 99
Қазақша
Русский
English
Қазақша
Русский
English
Индонезияда бүгін, 2 қыркүйекте, жазғы Азиада-2018 додасы аяқталады.Жарыстың соңғы күнінде қазақстандық спортшылар қатыспайды. Қазақстан құрамасы Индонезиядан 76 медальмен кетіп барады, оның 15 алтын, 17 күміс және 44 - қола. Vesti.kz отандық спортшылардың осы Ойындарда қанша табыс тапқанын есептеді.
Азиада және басқада жарыс түрлерінен сыйақы төлеу 2014 жылы 19 желтоқсанда ҚР үкіметінің үкіміне сай реттеледі. Алтын медаль үшін - 10 мың АҚШ доллары, күміс - бес мың, ал қола - үш мың доллар.
Азиадада спортшы екі немесе одан да көп медаль алған жағдайда, оның сыйақы мөлшері екі еселенеді - мысалы, велошабандоз Алексей Луценко екі алтын медалі үшін 20 мың АҚШ долларын алады, ал Дмитрий Баландин үш қола үшін тоғыз мың доллар алады.
Сонымен қатар, үкімде командалық спорт түрінің және эстафеталық жарыстардың жеңімпаздарына жүз пайыздық сыйақы төленетіні айтылған - мысалы, Су полосынан Қазақстан ерлер құрамасының 13 ойыншысы алтын медаль үшін 10 мың АҚШ долларын алады.
2018 жылы Азиада ойындарында жеңімпаз атанған чпортшылар 320 мың АҚШ долларын алады, күміс жүлдегерлер - 225 мың доллар, ал қола - 222 мың. Спортшыларға төленетін сыйақының жалпы есебі - 767 000 доллар (276 миллион 480 мың доллар).
Бапкерлер үшін де сыйақы қарастырылған. Универсиада мен Олимпиадаға қарағанда, Азиада жарысында мамандары спортшыларға қарағанда аз алады. Құрлықтық Ойындарда бапкер алтын медаль үшін - бес мың АҚШ доллар, күміс - үш мың, ал қола - екі мың. Бұл сома бірінші және жеке бапкер арасында бөлінеді.
Азиада-2018 додасында барлық жеңімпаздың бапкері 160 мың АҚШ долларын алады, күміс - 135 мың, ал қола - 148 мың. Жалпы есепте бапкерлерге 443 мың АҚШ доллар (161 миллион теңгеден аса) төленеді.
Осылайша, Қазақстан спортшылар мен бапкерлерге сыйақыға 1 миллион 210 мың АҚШ долларын (440 миллион 185 мың теңгеден аса) жұмсайды. Төлемдер республикалық бюджеттен ҚР Ұлттық банк қазіргі бағамымен төленеді.
