+7 (777) 001 44 99
Қазақша
Русский
English
Қазақстан тарихындағы алғашқы Паралимпиада чемпионы Зүлфия Ғабидуллина Токиодағы Паралимпиада ойындарында 50 метрге еркін мәнерде (S4) жүзу жарысында финалға шықты, - деп хабарлайды Tengrinews.kz тілшісі.
Ғабидуллина қашықтықты 44,57 секундта жүзіп өтіп, өз тобында төртінші орын алды. Бұл финалға шығуына мүмкіндік берді.
Финал бүгін Нұр-Сұлтан уақытымен 16:38-де басталады.
Еске салайық, Ғабидуллина 2016 жылғы Рио Паралимпиадасы мен 2018 жылғы Пара Азия ойындарында алтын медаль алған болатын.
Айта кетейік, Токиодағы Паралимпиада ойындарында Қазақстан қоржынына бес медаль түскен. Давид Дегтярев (пауэрлифтинг) алтын медаль алса, дзюдошылар Әнуар Сариев, Теміржан Дәулет пен Зарина Байбатина күміс жүлдегер атанған. Ал кеше жүзгіш Нұрдәулет Жұмағали қола медаль таққан болатын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
