+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстандық шорт-трекшілер жартылай финалға шыға алмады, деп хабарлады Vesti.kz.
Қазақстандық шорт-трекшілер жартылай финалға шыға алмады, деп хабарлады Vesti.kz.
Порталдың хабарлауынша, ерлер арасындағы 1500 метрлік жарыс жолында Нұрбергеннің жартылай финалға шығуына зор мүмкіндігі болған, алайда ол мұз айдынында құлап қалды.
"Қазақстандық шорт-трекшілер Нұрберген Жұмағазиев, Денис Никиша мен Анастасия Крестова жартылай финалға шыға алмады. Ерлер арасындағы 1500 метрлік жарыс жолында Нұрбергеннің жартылай финалға шығуына зор мүмкіндігі болған. Қазақстандық спортшы соңғы айналым алдындағы бұрылыста сәтсіз қимыл жасап, жығылып қалды", - делінген жарияланымда.
Айта кетейік, отандасымыз жоғары қарқынмен екінші орында келе жатқан болатын.
"Мұз айдынның ойылған тұсын аңғармай қалдым. Шорт-тректе мұндай болып тұрады. Соңғы айналым еді. Әр айналым сайын айдынның сапасы нашарлайды. Алда 500, 1 000 және 5 000 метрлік жарыстар бар. Барлығында жақсы өнер көрсетуге тырысамын. Маған барлық қашықтықтар ұнайды. Барлығы алда деп білемін. Қолдауға келген және Қазақстандағы жанкүйерлерге алғысымды білдіремін. Осылай болып қалды. Спортта мұндай жағдайлар болып тұрады", - деді Нұрберген Vesti.kz тілшісіне берген шағын сұхбатында.
Айта кетейік, Денис Никиша төртінші болып келіп, жартылай финалға өтпеді. Сондай-ақ, қыздар арасындағы 500 метрлік сында Анастасия Крестова үздіктер қатарына іліге алмады.
Шорт-тректен бүгін ерлер арасындағы жарыстың жеңімпаздары анықталады. Ал қыздар арасындағы 500 метрлік сынның жүлдегерлері 13 ақпанда белгілі болады. Сондай-ақ сол күні ерлер арасында 1000 метрлік сайыс өтеді.
