+7 (777) 001 44 99
Қазақша
Русский
English
Рио-де-Жанейродағы Олимпиада ойындарында ауыр атлетикадан 56 келіге дейінгі салмақ дәрежесінде қола жүлдегер атанған тай спортшысы Синпхета Круаитонгтың әжесі немересі қатысқан жарысты тамашалап отырған кезде бақилық болды - деп хабарлады BAQ.kz шетелдік басылымға сілтеме жасап.
Зілтеміршінің ата-анасының үйінде Круаитонгтің туыстары мен достары спортшыға жанкүйер болу үшін жиылған.
Телетрансляцияны тамашалау кезінде 82 жастағы Субин Кхонгтхаптың денсаулығы сыр берген. Туыстары кейуананы ауруханаға жеткізді, онда дәрігерлер қарттың көз жұмғанын мәлімдеген. Алдын ала мәліметтерге қарағанда, кейуана инсульт алған. Кхонгтхаптың туыстары оның немересінің медальға қол жеткізгенін көріп үлгермегенін хабарлады.
Жарыс жексенбіде, 7 тамызда өтті. Қытайлық Лун Циньцюань Олимпиада чемпионы атанды, күміс жүлдеге КХДР өкілі Ом Юн Чхоль ие болды. Айта кетейік, төртінші орынды отандасымыз Арли Чонтей алған болатын.
