Петр Ян жеңіл салмақтағы UFC уақытша чемпион белбеуін алды

Аралас стильдегі ресейлік файтер Петр Ян мен америкалық Кори Сэндхагеннің кездесуі Абу-Дабидегі UFC 267 турниріндегі кештің үздік жекпе-жегі деп танылды, - деп хабарлайды Tengrinews.kz тілшісі RT сайтына сілтеме жасап. 

Жекпе-жек төрешілердің бірауыз шешімімен аяқталды. Олар жеңісті 49:46 есебімен Петрге берді. 28 жастағы ресейлік үшін бұл 16-жеңіс, сондай-ақ, ол екі рет жеңілген.

Ян UFC 267 турнирінде жеңіл салмақтағы UFC уақытша чемпион белбеуін алды.  

Бастапқыда бұл турнирде Ян Стерлингке қарсы шығуы керек еді, бірақ Ямайкада дүниеге келген америкалық спортшы денсаулығына байланысты жекпе-жектен шығып қалды.

Сандхагенге келер болсақ, ол карьерасында төртінші және қатарынан екінші рет жеңілді. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!