+7 (777) 001 44 99
Қазақша
Русский
English
"Найман" деген атпен белгілі аралас жекпе-жектен әлем чемпионы Қуат Хамитов Алматыда болған селден зардап шеккендер үшін қорға миллион теңге аударды. Бұл туралы спортшы өзінің Instagram-дағы парақшасында жазды.
"Басына қайғы түскен жерлестерімізге қолдау көрсетуге баршаңызды шақырамыз", - деп жазды Хамитов.
Vesti.kz спорт порталының мәліметінше, 27 жастағы Қуат "Найман" Хамитов Қазақстанда ММА-дің ең тәжірибелі спортшысы. Ол One FC-дің элиталы дивизионында өнер көрсетеді. Ол - әлем чемпионы, Қытайда, Ұлыбритания мен Үндістанда өткен халықаралық турнирлердің жеңімпазы.
Еске сала кетейік, Алматыдағы сел 23 шілде күні түнгі сағат 03.00 шамасында жүрді. Қарғалы өзенінің су деңгейі көтерілгендіктен Қарғайлы және Таусамалы ықшамдаудандарын ішінара су басты. Селдің салдарынан Әуезов, Наурызбай және Алатау аудандары зардап шекті. Сел болған аймақтан 1036 адам эвакуацияланды, олардың ішінде 51 бала бар.
