+7 (777) 001 44 99
ПОДЕЛИТЬСЯ
Ресей құрамасы Сочи Олимпиадасында 12 алтын жүлде олжалап, қысқы Олимпиада ойындарында алынған медаль саны бойынша жаңа рекорд орнатты деп хабарлайды РИА Новости ақпарат агенттігіне сілтеме жасаған Tengrinews.kz. Бұған дейін Ресей құрамасы осы негіздегі жоғары көрсеткішке 1994 жылғы Лиллехаммердегі Олимпиада ойындарында ие болып еді. Ол кезде ресейлік спортшылар 11 алтын медаль ұтып алған болатын. Сонымен қатар Ресей құрамасы Сочиде 32 жүлдені қанжығалап, КСРО құрамасының медаль саны бойынша қол жеткізген жетістігінен де асып түсті: 12 алтын, 11 күміс және 9 қола. Ресейге 12-ші алтынды 50 шақырымдық жарысқа түскен шаңғышы Александр Легков бұйыртты. Бұл додада күміс және қоланы оның отандастары - Максим Вылегжанин және Илья Черноусов иемденді. Осылайша Ресей құрамасы Сочи Олимпиадасының жалпы командалық есебінде ең биік тұғырдан көрінді.
Ресей құрамасы Сочи Олимпиадасында 12 алтын жүлде олжалап, қысқы Олимпиада ойындарында алынған медаль саны бойынша жаңа рекорд орнатты деп хабарлайды РИА Новости ақпарат агенттігіне сілтеме жасаған Tengrinews.kz.
Бұған дейін Ресей құрамасы осы негіздегі жоғары көрсеткішке 1994 жылғы Лиллехаммердегі Олимпиада ойындарында ие болып еді. Ол кезде ресейлік спортшылар 11 алтын медаль ұтып алған болатын. Сонымен қатар Ресей құрамасы Сочиде 32 жүлдені қанжығалап, КСРО құрамасының медаль саны бойынша қол жеткізген жетістігінен де асып түсті: 12 алтын, 11 күміс және 9 қола.
Ресейге 12-ші алтынды 50 шақырымдық жарысқа түскен шаңғышы Александр Легков бұйыртты. Бұл додада күміс және қоланы оның отандастары - Максим Вылегжанин және Илья Черноусов иемденді.
Осылайша Ресей құрамасы Сочи Олимпиадасының жалпы командалық есебінде ең биік тұғырдан көрінді.
