+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстанда спортшыларды даярлау жүйесін жетілдіру жоспарланып отыр. Мәдениет және спорт министрі Ақтоты Райымқұлованың айтуынша, талантты бала басынан бастап дарынды жаттықтырушылардың жетекшілігінде болады, - деп хабарлайды Tengrinews.kz тілшісі.
Қазақстанда спортшыларды даярлау жүйесін жетілдіру жоспарланып отыр. Мәдениет және спорт министрі Ақтоты Райымқұлованың айтуынша, талантты бала басынан бастап дарынды жаттықтырушылардың жетекшілігінде болады, - деп хабарлайды Tengrinews.kz тілшісі.
"Біздің құрама кейінгі Олимпиадада өнер көрсеткеннен кейін көптеген сұрақ туындады. Осы жылдар ішінде спортшыларды даярлау жүйесі жасақталды, бірақ әлі де жетілдіруді талап етеді. Қосалқы топ дайындау бойынша да сұрақтар бар. Бес сатылы бағдарлама бар. Ұлттық жинақтау орталығына келе бастаған соң олар бірнеше ұйымға: Олимпиадаға даярлау орталықтарына (КҚКО), жоғары шеберлік мектептеріне барады. Ақыр аяғында мақсатты дайындық нәтижесіз болып шығады", - деді ол.
Министрдің айтуынша, талантты спортшылар көбінесе құрамаға алынбайды, өйткені оның мөлшері 1994 жылдан бері жаңартылмаған, бар-жоғы - 1000.
"Ол кезде (1994 жылы) тек 60 спорт түрі болған. Мүмкін, сол жеткілікті болған шығар. Бүгінде саны өте көп, сондықтан дарынды балалар штатқа алынбайды. Бұл санды үш мыңға дейін заңнамалық тұрғыда ұлғайту міндетін қойдық. Сондай-ақ, талантты бала дарынды жаттықтырушылардың жетекшілігінде болады. Ол ешқашан көшеде қалмайтынын біледі және қалаған кезде университетте оқуын жалғастыра алады. Белгілі бір жетістікке жетсе, ҰБТ-дан босатылады. Сондай-ақ, ұлттық команда штатында болады", - деп түйіндеді Ақтоты Райымқұлова.
Сондай-ақ, министрлік басшысы елімізде тоғыз олимпиадалық даярлау орталығы қалпына келтірілетінін айтты.
"Олимпиадалық даярлау орталықтары туралы айтсақ, өздеріңіз білесіздер, 2020 жылы Мемлекет басшысы квазимемлекеттік ұйымдардың штат санын азайту туралы тапсырма берді. Осы тапсырманы орындау мақсатында тек әкімшілік-басқару қызметкерлері ғана қысқартылды. Яғни, жаттықтырушылар да, спортшылар да зардап шеккен жоқ. Осы тоғыз орталыққа да әсер еткен жоқ. Бүгінгі таңда бұл дұрыс қадам емес екенін көріп отырмыз. Біз осы тоғыз КҚКО-ны әкімшілік-басқару қызметкерлерімен бірге қалпына келтіру үшін барлық материалды дайындап, жұмыс істейміз", - деді Райымқұлова.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
