Токио Олимиадасы: Дмитрий Баландин жартылай финалға шықты

Қазақстандық Дмитрий Баландин Олимпиада ойындарында 200 метрге брасс әдісімен жүзу жарысында жартылай финалға шықты, - деп хабарлайды Tengrinews.kz тілшісі.

Баландин іріктеу сынында 2:08,99 көрсеткішімен 7-інші орынмен жартылай финалға жолдама алды. 

25 жастағы Дмитрий Баландин - Алматы қаласының тумасы. 2016 жылы Рио Олимпиадасының 200 метрге брасс әдісімен жүзу жарысында алтын медаль иеленген. Одан бөлек, 2014 жылы Азия ойындарының үш дүркін жеңімпазы атанған. 

Айта кетейік, бұған дейін Баландин 100 метрге брасс әдісімен жүзуде бірінші кезеңнен өте алмаған еді. 

Еске салайық, қазір Қазақстан қоржынында үш медаль бар. Дзюдошы Елдос Сметов, ауыратлеттер Игорь Сон мен Зүлфия Чиншанло қола медаль иеленген болатын.  

Сілтемесіз жаңалық оқисыз ба? Онда Telegram желісінде парақшамызға тіркеліңіз!