Том Леффлер Головкинге қарсылас іздей бастады

WBA (Super), IBO және WBC (Interim) тұжырымдары бойынша орта салмақта әлем чемпионы Геннадий Головкиннің промоутері Том Леффлер қазақстандық боксшының келесі жекпе-жегіне қарсылас іздей бастады, - деп хабарлайды Vesti.kz. 

Том Леффлердің айтуынша, алдағы апталарда Головкиннің кіммен кездесетіні туралы нақтырақ ақпараттар айтылады. "Эдди Карл Фрочтың Головкинмен кездесуге нақты шешім қабылдамағанын, ұлыбританиялық боксшының өз бабына көңілі толмайтынын айтты. Сол себепті мен басқа қарсылас іздей бастаймын", - деді ол.

Еске сала кетейік, Головкин рингке қыркүйекте шығады. Дегенмен, оның қарсыласының есімі әзірше белгісіз. Қазақстандық боксшының промоутері Том Леффлер Головкин Фрочпен кездесу үшін Англияға баруға дайын екенін мәлімдеген болатын.