+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстанның ерлер арасындағы құрамасы Универсиаданың жартылай финалында Чехияны жеңді, - деп хабарлайды Vesti.kz қазақ бөлімі.
Қазақстанның ерлер арасындағы құрамасы Универсиаданың жартылай финалында Чехияны жеңді, - деп хабарлайды Vesti.kz қазақ бөлімі.
Бүгін, 7 қаңтарда "Халық Аренада" өткен ойын 4:1 есебімен аяқталды.
Қазақстан құрамасы ойынның басында жеңіліп жатқан. 17-ші минутта Даниэль Арност Универсиаданы өткізіп отырған елдің қақпасына шайба дарытқан бірінші ойыншы болды. Қазақстандық хоккейшілер кейінірек есепті теңестірді - 18-ші минутта Константин Савенков көзге түсті.
Екінші кезеңде көрермен 44 секунд ішінде соғылған екі бірдей шайбаның куәсі болды. 31-ші минутта Дмитрий Гренц Қазақстан құрамасын алға шығарса, Павел Акользин есепті еселей түсті.
Қорытынды кезеңде қазақстандықтар басымдыққа ие бола тұра, бір ғана шайба салды. 43-ші минутта Алексей Анциферов көзге түсті.
Ақтық кездесуде қазақстандық спортшылар Ресей хоккейшілерімен ойнайды. Ресейліктер жартылай финалда 4:1 есебімен Канаданы жеңген болатын. Хоккей турнирінің финалы 8 ақпанда сағат 15:00-де басталады. Ал 10:00-де Чехия мен Канада қола медальға таласады.
Бір қызығы, 2015 жылғы Универсиадада Қазақстан мен Ресей финалға шыққан еді. Сөйтіп, ақтық кездесуде Ресей 3:1 есебімен жеңген болатын. Ал үшінші орынға Канада мен Чехия таласып, есеп 6:2 болған.
