+7 (777) 001 44 99
Қазақша
Русский
English
2022 жылғы қысқы Олимпиада ойындарын қабылдау үшін Қазақстан шамамен 7-8 миллиард долларға шығындалады. Бұл туралы Ұлттық Олимпиада комитетінің президенті Темірхан Досмұхамбетов айтты, деп жазады «Алаш айнасы» газеті.
Өткен аптада оңтүстікастанамыздың Олимпиада ойындарына деген дайындығын Халықаралық Олимпиада комитетінің президенті Томас Бахтың өзі келіп тексеріп кетті. Бах мырза «Медеу» мұзайындында, «Сұңқар» халықаралық шаңғы трамплин кешенінде және «Шымбұлақ» таулы курортында болып қайтты. Қазақстанға сапары барысында ол еліміздің ақ Олимпиаданы қабылдауға мүмкіндігі жоғары екенін айтты.
Томас Бахтың Қазақстан туралы жылы пікірі қазақстандық шенеуніктердің 2022 жылғы ақ Олимпиада елімізде өтеді деген сенімдерін тағы арттыра түскен секілді. Өйткені, президенттің бұл сапарынан кейін қазақстандық шенеуніктер қысқы ойындарды қабылдау үшін еліміз қанша шығындалатынын есептеп оны жариялап үлгерді. Ал, бұған дейін мұндай ақпарат шеті де шықпаған еді.
Материалдың толық нұсқасын "Алаш айнасынан" оқи аласыздар
