+7 (777) 001 44 99
Қазақша
Русский
English
Алматы Әділет департаменті "Қазақстан" қонақүйі аумағындағы мәдени маңызы бар субұрқақты қайтару туралы сот шешімі қалай орындалып жатқанын айтты, - деп хабарлайды Tengrinews.kz.
Биылғы шілдеде Алматының мамандандырылған ауданаралық экономикалық соты қаланың қала құрылысын бақылау бөлімінің қонақүй иелеріне заңсыз бассейн салғаны туралы талап арызын қанағаттандырып, субұрқақты қайта жөндеуге шешім шығарған.
Алайда, осы учаскені көріп қайтқан тілшілеріміз бұрынғы субұрқақтың бір жартысындағы бассейн өзгеріссіз қалғанын анықтады.
Әділет департаменті редакцияның сот шешімін орындау туралы сұрауына жауап ретінде, 17 қыркүйекте осы іс бойынша атқарушылық іс қозғалғанын хабарлады. Ғимарат иелеріне хабарлама жіберілген, олар соттың шешімі тарихи-мәдени сараптаманың қорытындысын алу арқылы ішінара орындалды деп жауап берді. Бұл ретте бассейндегі демонтаж туралы сот шешімінде айтылмағаны атап өтілді.
Өз кезегінде сот орындаушысы Мейіржан Танкібаев сот шешімінде тапсырыс берушілерде субұрқақты бассейнге қайта құруға рұқсат беру құжаттамасының, атап айтқанда, сараптаманың оң қорытындысының, сондай-ақ ЖСҚ мен авторлық қадағалаудың болмауы туралы ғана айтылғанын айтты. Орындаушының сотында бассейнді бөлшектеу туралы құжаттар жоқ. Қазіргі уақытта компания сот шешімін орындап жатыр.
Еске салайық, маусымда Алматы әкімдігі субұрқақты рұқсатсыз қайта қалпына келтіргені үшін "Қазақстан" қонақүйінің иесін сотқа берген болатын.
