+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматылық сарапшы Жаңа жыл қарсаңында тамақтан уланудан қалай сақтануға болатынын айтты, - деп хабарлайды Massaget.kz.
Алматылық сарапшы Жаңа жыл қарсаңында тамақтан уланудан қалай сақтануға болатынын айтты, - деп хабарлайды Massaget.kz.
Өңірлік коммуникациялар қызметінің брифингінде Алматы қаласы Санитарлық-эпидемиологиялық бақылау департаментінің өкілі тамақтан уланудың алдын алу шаралары туралы айтып, жаңажылдық үстелге арналған өнімдерді қауіпсіз етіп таңдау ережелерін еске салды.
Департамент басшысының орынбасары ГауҺар Каткенова ұсынған ақпаратқа сәйкес, биылғы жылы Алматыда жаппай уланудың бір жағдайы және ботулизмнің 10 жағдайы тіркелген. Оқиғалардың себептері санитарлық нормалардың бұзылуы, соңғы жағдайда өнімдерге термиялық өңдеуді дұрыс жасамау және үйде жасалған консервілерді пайдалану болды.
"Мереке қарсаңында біз санитарлық дәрігерлер ретінде жаңажылдық дастарқанға тамақ өнімдерін таңдау және тұтыну кезінде қауіпсіздікті сақтаудың маңыздылығын еске саламыз. Тамақтан улануды болдырмау үшін қарапайым ережелерді сақтау маңызды: балғын өнімдерді таңдау, жарамдылық мерзімдерін тексеру және жабайы базарлардан сатып алудан аулақ болу", - деп атап өтті Гауһар Каткенова.
Сарапшы сонымен қатар тағамды сақтау мен дайындау кезінде назар аударуды қажет ететін тұстарды атады. Атап айтқанда:
- Азық-түлік таңдау: балғын өнімдерді сатып алыңыз, жарамдылық мерзімін, қаптаманың сапасын тексеріңіз және жабайы базарлардан сатып алудан аулақ болыңыз.
- Сертификаттар: тауарлардың сапа және қауіпсіздік сертификаттары бар екеніне көз жеткізіңіз.
- Сақтау: температуралық режимді сақтаңыз, әсіресе сүт және ет өнімдері үшін, шикі және дайын тағамдарды бөлек сақтаңыз.
- Гигиена: тамақ дайындау кезінде қолыңызды үнемі жуыңыз және санитарлық нормаларды сақтаңыз.
- Термиялық өңдеу: ет пен балықты жақсылап пісіру керек; дайындықты тексеру үшін пісіру термометрін қолдануға болады.
- Тамақтану: тамақты үстел үстінде екі сағаттан артық қалдырмаңыз және асты бірнеше рет қыздырудан аулақ болыңыз.
- Сусындар: алкогольдік сусындардың қаптамасының зақымдануын және жарамдылық мерзімін тексеріңіз.
"Біз ата-аналарды балаларға гигиена негіздерін үйретуге және жүрек айну, құсу немесе диарея сияқты улану белгілері туралы сөйлесуге шақырамыз. Мұндай белгілер пайда болған жағдайда дереу медициналық көмекке жүгінген жөн", - деді Гауһар Каткенова.
Сарапшы қорытындылай келе ұсынылған ұсыныстарды сақтау тамақтан улануды болдырмауға және мереке күндерін қауіпсіз және қуанышты етуге мүмкіндік беретінін атап өтті.
