+7 (777) 001 44 99
Қазақша
Русский
English
Қазақша
Русский
English
Дәрігерлер мерекелік дастарқанда астан уланып қалудан қалай сақтануға болатынын айтып берді, - деп хабарлайды Tengri Life.
Денсаулық сақтау министрлігі Наурыз мейрамын жаппай тойлау күндері дастарқанда әртүрлі тағамдар – наурыз көже, сүтті сусындар, ет өнімдері, тез бұзылатын өнімдерге жататын салаттар мол болатынын атап өтті.
Министрлік мерзімі өткен немесе өңделмеген өнімдерді тұтынумен байланысты тамақтан улану мен инфекциялық аурулардың алдын алу шараларын еске салды.
Уланудың алдын алу үшін қарапайым ережелерді сақтау қажет:
- қоғамдық тамақтану орындарын мұқият таңдау, өзіңіз барған немесе туыстарыңыз бен достарыңыз ұсынған орындарға бару;
- рецепттері термиялық өңдеуді қажет етпейтін тағамдарға, әсіресе теңіз өнімдеріне тапсырыс беруден және тұтынудан бас тарту;
- мекемелерден әкелінген қалған тағамдарды үйде туыстарға ұсынбау;
- өнімдерді сатып алу кезінде олардың өндірілген және жарамдылық мерзіміне, сапасы мен қауіпсіздігін растайтын құжаттарының болуына, сақтау және сату шарттарына назар аудару;
- Көшедегі бейберекет сауда орындарынан азық-түлік сатып алмауға тырысу.
Сонымен қатар, іс-шараларды ұйымдастырушылар мен мекеме иелеріне де ұсыныстар берілді. Оларға рұқсат құжатын (санитарлық-эпидемиологиялық сәйкестік қорытындысы) алу, медициналық тексеруден өтпеген қызметкерлерді жұмысқа жібермеу, уақытында медициналық тексерулерден өткізу, тиісті жағдайлар болмаған жағдайда және ғимарат аумағы жеткіліксіз болған кезде тағам түрлерін азайту, өнімдерді сақтау мерзімдерін сақтау ұсынылды.
