+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Пайдаланылған автокөлікті сатып алғанда жылдың қай мезгілі маңызды рөл атқаратынын білесіз бе? Көлік сатып алу процесі тек техникалық сипаттамаларға ғана емес, ауа райына және маусымдық сұранысқа да байланысты. Қай мезгілде тиімді ұсыныстар бар екенін Massaget.kz тілшісі анықтап көрді.
Пайдаланылған автокөлікті сатып алғанда жылдың қай мезгілі маңызды рөл атқаратынын білесіз бе? Көлік сатып алу процесі тек техникалық сипаттамаларға ғана емес, ауа райына және маусымдық сұранысқа да байланысты. Қай мезгілде тиімді ұсыныстар бар екенін Massaget.kz тілшісі анықтап көрді.
Сіз жылдың кез келген уақытында жүрілген автокөлікті сатып ала аласыз, бірақ әр маусымның өзіндік артықшылықтары мен кемшіліктері бар екенін ескерген жөн. Қай жыл мезгілінде көлік сатып алу тиімді екенін қарастырайық.
Қыс
Көлік сатып алудың ең тиімді уақыты - жаңа жылдық мерекелер алдындағы желтоқсан айы. Бұл уақытта ескі көліктерге деген сұраныс төмендейді, сондықтан олардың бағасы басқа айлармен салыстырғанда арзандайды. Ескі автокөліктің бағасына әсер ететін тағы бір фактор - шығарылған жылы. Жаңа жылдың басталуымен көлік бір жылға ескіреді, бұл оның құнының төмендеуіне әкеледі. Қаңтарда жаңа жылдық мерекелерден кейін алым-сатық төмендейтін уақыт, сол кезде сатушылар сұраныстың азаюынан бағаны төмендетуі мүмкін. Сонымен қатар аязды ауа райында қозғалтқыштың суық күнде қалай іске қосылатынын тексеруге болады, бұл – жаңа жыл қарсаңында көлік сатып алудың тағы бір артықшылығы.
Көктем
Көктемде автокөлік сатып алуға көп адамдардың ынтасы оянады. Маусымның соңына дейін сұраныс шарықтайды, сондықтан көліктің бағасы бұл маусымда еш төмендемейді. Сонымен қатар көктемгі лай-балшық кездер автокөлікті толық тексеруде қиындық туғызады, сондықтан көлік каңқасындағы ақауларды байқамай қалуыңыз мүмкін.
Жаз
Жазда жүрілген автокөлікті сатып алу ыңғайлы, өйткені тексеруді асықпай, ыңғайлы жағдайда жүргізуге болады. Күн шуақты ауа райында шұңқырлар мен сызаттар анық көрінеді. Дегенмен сатушылар жеңілдік жасауға сирек барады, ал тамызға қарай сұраныс сәл төмендеп, баға да төмендей бастайды.
Күз
Күзде автокөлікке деген сұраныстың төмендеуі жалғасады, бұл сатып алушылардың шығындарын қайта жоспарлап, жаңа жылдық мерекелерге дайындалуына байланысты. Кейбіреулер көлік сатып алуды кейінге қалдырып, қысқы маусымға дайындық жасайды. Есіңізде болсын, кез келген мезгілде, соның ішінде күзде де автокөлікті күндізгі табиғи жарықта тексеру қажет. Сонымен қатар автомобильдің корпусы мен бөліктері таза болуы керек. Осылайша, қалпына келтірілген және қайта боялған автокөлікті сатып алу қаупінен сақтанасыз.
Күзде жүрілген автокөлікті сатып алуға ауа райы да әсер етеді. Жаңбырлы немесе аязды күндері сұраныс азаяды, сондықтан сатушы бағаны төмендетуге мәжбүр болуы мүмкін, бұл көлік сатып алуға ыңғайлы уақыт саналады.
Автокөлік сатып алудың ең жақсы уақыты туралы ойлағанда, айырбас бағамын да ескеру қажет. Кейде көлік құны шетел валютасымен көрсетіледі және сатушылар бағаны бірден өзгертпеуі мүмкін. Сондықтан сәтті уақытты тапсаңыз, автокөлік сатып алуда айтарлықтай үнемдеуге болады. Бұл ережелер жаңа көліктерге де, ескі көліктерге де қатысты.
