14 қазан 2014 | 13:53

Ойын бизнесін мүлде жауып тыну керек пе еді?

subscribe.ru

Өткен сәрсенбі күні Мәжіліс депутаттары ойын бизнесіне қатысты өзгерістер енгізілген заң жобасын мақұлдаған болатын. Оған сәйкес, көпқабатты тұрғын-үйлердің бірінші қабатында орналасқан букмекерлік кеңселерді ашуға тыйым салынбақ. Демек, тұрғын үйлерге жапсарлас қоныстанған ондай ойын-сауық ошақтарының барлығы жабылады. Байқап қарасақ, осы жұмыстың нәтижесінде жалғыз ғана монополист қалатын сияқты.

Өткен сәрсенбі күні Мәжіліс депутаттары ойын бизнесіне қатысты өзгерістер енгізілген заң жобасын мақұлдаған болатын. Оған сәйкес, көпқабатты тұрғын-үйлердің бірінші қабатында орналасқан букмекерлік кеңселерді ашуға тыйым салынбақ. Демек, тұрғын үйлерге жапсарлас қоныстанған ондай ойын-сауық ошақтарының барлығы жабылады. Байқап қарасақ, осы жұмыстың нәтижесінде жалғыз ғана монополист қалатын сияқты.

Монополист жоқ демеңіз, әсіресе ойын бизнесі саласында. Өйткені, мұнда қыруар қаражат айналымы бар. Осыған көз жеткізу үшін Алаш айнасының тілшісі елорданың көшелерімен бір жүріп өтіп, сол монополистің кім екенін бірден түсінгендей болды. Иә, ол – «Олимп». Осыдан жеті жыл бұрын барлық казиноларды Щучинск пен Қапшағайға қотарған кезде «Олимп» алғашқылардың бірі болып ойынқұмар қазақстандықтарға өз қызметтерінің шетін шығарып, ұсына бастады. Бүгінде республика бойынша оның 300-ден астам кеңсесі бар. Соның басым бөлігі Алматы, Астана мен Шымкент қалаларында орналасқан. Осы орайда айта кетер жәйт, Олимптың басшылығы қазіргі өзгерістерді болжаған болуы керек, букмекерлік кеңселердің көбісі дәмхана мен мейрамханаларда, яғни тұрғын үйге жатпайтын ғимараттардың жанынан ашылған. Ал көпқабатты тұрғын үйлердің бірінші қабатында ашылған кеңселері некен-саяқ.

Әрине, елімізде Гол+пас, FairPlay, Zenit, LeonBets, Profit сияқты басқа да букмекерлік кеңселер бар. Бірақ олардың барлығын қосып алсаңыз да Олимптың қаптаған кеңселерінің санына жеткізе алмаймыз. Олардың да дәмхана мен мейрамхана жанындағы кеңселері бар. Алайда көбісі көпқабатты тұрғын үйлердің бірінші қабатында орналасқан. Демек, Парламент Мәжілісі мақұлдаған заң жобасы алдағы уақытта қабылданса, Олимп ұсақ-тиек кеңселерін жабады, ал соның ішінде оған бәсекелес кеңселердің саны әжептәуір азайып қалады.

Материалдың толық нұсқасын "Алаш айнасынан" оқи аласыздар...