+7 (777) 001 44 99
Қазақша
Русский
English
Сауда және интеграция министрі Арман Шаққалиев Үкімет отырысында өңірлерде мәслихат депутаттары жұмыс кестелерін түзету арқылы жұмыс уақытын оңтайландыру жөніндегі бастаманы қолдағанын мәлімдеді, - деп хабарлайды Tengrinews.kz тілшісі.
Министр бұл шаралар кәсіби және жеке өмір арасындағы тепе-теңдікті сақтауға, сондай-ақ, азаматтар үшін қолайлы жағдай жасауға бағытталғанын мәлімдеді.
"Бүгінде ШҚО-ның бірқатар ауданында (Қатонқарағай, Марқакөл, Үлкен Нарын, Зайсан, Тарбағатай, Самар, Күршім) жұмыс кестесі сағат 8:00-ден 17:30-ға дейін түзетіліп, тұрғындар тарапынан оң баға мен қолдау тапты. Қажет болған жағдайда осындай тәжірибені жергілікті атқарушы органдар басқа өңірлерде қолданады", - деді Арман Шаққалиев.
Еске салайық, 5 қаңтардан бастап Катонқарағай ауданының 17 ауылы жұмыс күнін 08:00-де бастап, 17:30-да аяқтайтын "жеке" жұмыс кестесіне көшті, ал 24 ақпаннан бастап Марқакөл және Үлкен Нарын аудандарының тұрғындары да осы тәртіпке өтті.
5 наурыздан бастап Зайсан, Күршім, Тарбағатай және Самара аудандарының тұрғындары да жұмыс күнін бір сағат ертерек бастайтыны белгілі болды.
