Құтқарушылар көлікті өрттен сақтау үшін көлік жүргізушілеріне маңызды кеңес берді, - деп хабарлайды Tengrinews.kz.
ТЖМ бұл үшін мына шарттарды орындау қажет екенін еске салды:
- техникалық байқаудан уақытында өткізіңіз;
- электрониканы тек мамандандырылған орталықтарда орнатыңыз;
- әрқашан өртсөндіргішті көлік салонында ұстаңыз;
- қозғалтқыштың отын аппаратурасының жарамдылығын бақылаңыз;
- көлікте бөгде, тез тұтанатын заттарды ұстамаңыз;
- жанар-жағармай материалдарын тек герметикалық ыдыстарда тасымалдаңыз.
"ТЖМ азаматтарды сақ болуға шақырады. Көлікте төтенше жағдай туындаған жағдайда 112 нөміріне қоңырау шалыңыз", - деп жазылған хабарламада.
Айта кетейік, қыста көлік көп өртке оранады. Мәселен, кеше Атырау облысында көлік жанып, 15 минут ішінде сөндірілді.
