+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Алматы облысы әкімдігі заңсыз шырша кескендер қанша айыппұл арқалайтынын мәлімдеді, - деп хабарлайды Massaget.kz.
Алматы облысы әкімдігі заңсыз шырша кескендер қанша айыппұл арқалайтынын мәлімдеді, - деп хабарлайды Massaget.kz.
Облыс әкімдігінің мәліметінше, Жаңа жыл мерекесінің қарсаңында елімізде қылқан жапырақты ағаштарды (шырша, қарағай және басқалары) заңсыз кесу жағдайлары жиі кездеседі. Әсіресе шыршалар дүкендерде және базарларда сатылады, бірақ оны заңсыз кесу - экологиялық қауіпті әрекет ғана емес, сондай-ақ құқықбұзушылыққа жатады.
"Қазақстан Республикасының Әкімшілік құқықбұзушылық туралы кодексіне сәйкес, орман қорына жататын ағаштарды заңсыз кесу, жою немесе зақымдау үшін қатаң жазалар қарастырылған. Егер залал 50 АЕК (Айлық есептік көрсеткіш) көлемінде болса, жеке тұлғаларға 369 200 теңге көлемінде айыппұл салынады. Ал шағын кәсіпкерлік субъектілері немесе коммерциялық емес ұйымдарға 1 107 600 теңге, орта кәсіпкерлік субъектілеріне 1 476 800 теңге, ірі кәсіпкерлік субъектілеріне 3 692 000 теңге айыппұл салынатын болады", - делінген хабарламада.
Бұл жазалар тек әкімшілік сипатта ғана емес, егер шығын 50 МРП (минималды айлық жалақы) мөлшерінен асып кетсе, қылмыстық жауапкершілікке тарту мәселесі де қарастырылады.
Орманды қорғау, экологиялық теңгерімді сақтау - әрбір азаматтың міндеті. Әкімдік Жаңа жылдық шырша мен қарағайды заңсыз кесудің салдары ауыр болатынын айтып, тұрғындар мен кәсіпкерлерге табиғатты қорғауға шақырды.
