+7 (777) 001 44 99
Қазақша
Русский
English
Елімізде автотұрақтар мәселесі бұрыннан күрделі еді. Мәселенің күрделенгені соншалық елімізде заңсыз автотұрақтар да қаптаған. Оның заңсыз екенін білгенімен көлік жүргізушілері де, тиісті орындар да заңдылықты қадағалауға қауқарсыз еді. Өйткені арнайы салынған көлік тұрақтары жеткіліксіз болатын. Алайда жақында «Жол ережесі туралы» заңға тұрақтарға қатысты тәртіптің енгізілуі бұл мәселені тіпті күрделендіріп жіберді. О баста арнайы тұрақ белгісі жоқ жерге көлік қаңтаруға тыйым салатын заң күшіне енгізілгенімен енді елімізде автотұрақтардың жеткіліксіздігіне байланысты жол сақшыларының өздері жүргізушілерден заңды бұза беруге рұқсат беруге мәжбүр болып отыр. Күшіне бес-ақ күн енген заңды кері шегінуге мәжбүр еткен не жағдай?
Жаңадан күшіне енгізілген заң бойынша арнайы тұрақ белгісі бар жер болмаса, көлікті кез-келген жерге тастап кетуге қатаң тыйым салынған еді. Құжаттағы шикілік сол сәтте-ақ көлік жүргізушілерінің қарсылығын тудырды. Өйткені үлкен қалалардың өзінде тұрақ белгісі бар көшелер санаулы-ақ. Заңға бағынса жүргізушілер жоқ тұрақты іздеп, жол жиегіне тоқтай алмай, сенделіп жүруі тиіс болатын. Сонда заңды қабылдамай тұрып Ішкі істер министрлігі, парламенттің қос палатасының депутаттары еліміздегі көлік тұрақтарының санын есепке алмағаны ма? Жоқ тұраққа заң қабылдап отырғанын түсінбегені ме?!
Материалдың толық нұсқасын "Алаш айнасынан" оқи аласыздар
