+7 (777) 001 44 99
Қазақша
Русский
English
Қазақша
Русский
English
Корей Халық Демократиялық Республикасының көшбасшысы Ким Чен Ын 2015 жылға дейін емделуге демалыс алды - денсаулығын қалпына келтіру үшін оған 100 күн керек, - деп жазады Mirror.
КХДР басшылығы маңайындағылардың айтуына қарағанда, Ким Чен Ын әскери жаттығу кезінде жарақат алған. "Ол барлық генералдарға оқу-жаттығуға қатысуды бұйырып, олармен бірге әскери тапсырмаларды орындады. Олар еңбектеді, жүгірді, секірді. Осы кезде көшбасшының сіңірі зақымданды", - деп түсіндірді дереккөзі. Ол КХДР басшысы мемлекеттік істерді толық бақылауды ұстайтынын жеткізді.
Ким Чен Ын халық алдына бір айдан бері шықпағандықтан, ол туралы түрлі қауесет тарап кеткен. Кейбір БАҚ құралдарында КХДР басшысын оның кіші қарындасы Ким Е Чжон тақтан құлатты, тіпті Ким Чен Ын қаза болды деген ақпараттар жарияланған. 10 қазанда Ким Чен Ын Корей Еңбек партиясының 69 жылдығына қатыса алмаған, осыдан кейін ол туралы түрлі қауесет тараған.
