+7 (777) 001 44 99
Қазақша
Русский
English
Үндістанда аптап ыстықтан көз жұмғандардың саны 2000 адамнан асты, - деп хабарлайды "РИА Новости" жергілікті ақпарат құралдарына сілтеме жасап. Синоптиктердің мәліметінше, алдағы екі күнде Андхра-Прадеш пен Теланган штаттарында жоғары температура сақталады.
"Метеорологиялық басқарма алдағы екі күнде ауа температурасы 47 градус болатыны туралы ескерту жариялайды. Дүйсенбіде аздап жаңбыр жаууы мүмкін",- деді Телеган штаты табиғи апаттармен күресу басқармасындағылар.
Еске сала кетейік, осыған дейін елде аптап ыстықтан 1100 адам қаза тапқаны хабарланған болатын. Үндістанның бірқатар аймағы үшін бұл уақытта ауа температурасының 40 градустан асуы қалыпты жағдай, кей жерлерде наурыздан маусымға дейін құрғақшылық маусымы болып, кейін жаңбырлы маусыммен алмасады. Ең құрғақ әрі ыстық кезең - сәуір мен мамыр аралығында. Бұған дейін рекордты жоғары ауа температурасы 1947 жылы тіркелген. Ол кезде ауа температурасы 47,2 градусқа дейін жетті.
