+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Tesla Motors жобасының негізін салушы Илон Маск компаниясының жоспары туралы айтып берді, - деп хабарлайды Tengrinews.kz тілшісі компанияның ресми сайтына сілтеме жасап.
Tesla Motors жобасының негізін салушы Илон Маск компаниясының жоспары туралы айтып берді, - деп хабарлайды Tengrinews.kz тілшісі компанияның ресми сайтына сілтеме жасап.
Маск оның осыдан он жыл бұрын жасаған жоспарының біріншісі қазір аяқталып қалғанын айтты. "Жоспар қиын болған жоқ. Жоспарым мынадан тұрды: шағын көлемді қымбат электромобиль жасау; ол ақшаны орта көлемді және арзан бағадағы автокөлік жасауға жұмсау; сол ақшаны қолжетімді әрі жоғары көлемді автокөлік жасауға жұмсау. Біз бірінші қадамнан бастадық. Себебі, менің қолымнан сол ғана келді. Бастапқыда бұл жоспарды іске асыру үшін біздің мүмкіндігіміз жетпейді деп ойладым. Біреудің ақшасын жұмсағым келмеді. Сіздер автокөлік шығаратын адамдардың барлығы табысты бола бермейтінін білесіздер. Мысалы, 2016 жылы америкалық автокомпаниялардың ішінде банкротқа ұшырамаған екі ғана компания болды. Олар Ford пен Tesla. Автокөлік компаниясын ашу - миға кірмейтін нәрсе, ал электрокар өндіретін компания ашу - одан асқан миға кірмейтін нәрсе", - деп жазды Илон Маск.
Компанияның жоспарлары туралы айта кете, Tesla Motors компаниясының негізін салушы қазіргі уақытта электрмобильдердің жаңа екі түрін шығару қажеттігін атап өтті: ауыр жүк көліктері мен қалалық жолаушылар көлігі. Масктың айтуынша, бұл көліктердің екі түрі дайындалып жатыр және келесі жылы оны таныстырады. Сонымен қатар, Маск автоұшқыштың арқасында автобустардың көлемі үлкен болмайтынын және қоғамдық көлік жүргізушілері тіпті керек де болмайтынын айтты.
Айта кетейік, осыған дейін Илон Маск Тesla компаниясының құпия жобасын таныстырған еді. Басылымның мәліметінше, бұл хабарлама оның 2006 жылдың тамыз айында блогта жариялаған жазбасына ұқсас екен. Онда Илон Маск "Tesla Motors құпия жобасы (тек өз арамызда)" жарияланымында электрмбильдерді шығаруы мүмкін екенін айтқан болатын. Айта кетейік, соңғы 10 жылда спорттық Tesla Roadster, жанұяға арналған бес есікті Tesla Model S автокөлігі, Tesla Model X кроссовері мен спорттық Tesla Model 3 седаны таныстырылған болатын.
