+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жас қаламгерлерге арналған "Отаным, саған айтамын" атты прозалық онлайн-байқаудың жеңімпаздары марапатталды, деп хабарлайды Massaget.kz порталы.
Жас қаламгерлерге арналған "Отаным, саған айтамын" атты прозалық онлайн-байқаудың жеңімпаздары марапатталды, деп хабарлайды Massaget.kz порталы.
2019 жылғы "Жастар жылына" орай ERG компаниясының қолдауымен Massaget.kz порталы Alash Media Group медиахолдингімен бірлесе отырып жас таланттардың шығармашылығын шыңдау мақсатында 15-29 жас аралығындағы жас қаламгерлер арасында "Отаным, саған айтамын" атты прозалық онлайн-байқау жариялаған болатын.
Байқау мақсаты - егемен елдің ертеңі саналатын жастар арасындағы Отан түсінігін қалыптастыру, патриоттық сезімін оятып, құлашын кеңге жайған бүгінгі тәуелсіз еліміздің жетістіктерін баяндау, насихаттау, жас қаламгерлерді қолдау және шығармашылығын дамыту.
Бүгін байқау жеңімпазы мен жүлдегерлерін марапаттау рәсімі өтті. Алғаш болып сөз алған Effective Media Liaison (Massaget.kz, Vesti.kz Tengrinews.kz) директоры Сұңқар Қарабалин жас таланттарды құттықтап, шығармашылық табыс тіледі.
"Отаным, саған айтамын" байқауы – Massaget.kz порталында екі тілде өткен тұңғыш байқау. Екі ай бойы қазақ және орыс тілдерінде шығармалар жарияланды. Сайт үшін бұл жаңа формат. Барлығы ойдағыдай өтті деген сенімдеміз. Қатысқан барлық қатысушыға шығармашылық табыс тілеймін, әрдайым мерейлері үстем болсын!", – деді Сұңқар Қарабалин.
Қазылар алқасының шешімімен Отан тақырыбындағы үздік проза (эссе, әңгіме) бойынша І орынға (300 000 тг) жас жазушы Досхан Жылқыбайдың "Бокетто" әңгімесі лайық деп табылды.
ІІ орынды (150 000 тг): Бану Абилсейиткызының "Тоска с запахом полыни" шығармасы иеленді.
ІІІ орын (100 000 тг): "Ауылдан адам кетсе де, адамнан ауыл кетпейді…" эссесі үшін Сағатбек Ернұрға бұйырды.
Massaget.kz порталының бас кеңесшісі Ержан Момышұлы конкурсқа түскен шығармаларды жіті бақылап отырғанын айтты.
"Отаным, саған айтамын" конкурсына түскен түрлі шығармаларды оқып отырдым. Бұл жерде неше түрлі эссе де, әңгіме де болды. Жас жазушыларымыздың кей шығармасынынан Отан мен Мемлекеттің не екенін ажырата алмайтыны көрініп қалып жатты. Жалпы жас қаламгерлерге ризамын, қаламдары ұштала берсін. ІІІ орын алған Ернұр Сағатбектің шығармасы нағыз эссе деуге лайық. Ал Досханның әңгімесінің тілі жатық, оның жазушылыққа әуелден бет бұрғаны көрініп тұр. Досханға ұсынысым "Бокеттоға" қоса, "Ваби-саби" және "Икигаи" туралы жазса, сонда бұл үшеуі әдемі бір триптих шығармаға айналар еді", - дей отырып қатысушыларға ризашылығын білдірді.
Сондай-ақ, Alash Media Group ұсынған арнайы сыйлықты Асылан Тілеген ("Қазақстан шоколады") иеленді.
Massaget.kz порталы ұсынған арнайы сыйлықтарға Бабжанова Бакыт ("Край моего детства"), Айжан Мута ("Сұлтанды жылатқан жусан") және Жалел Бауыржан ("Шежірелі аса көркем, Ақшатауым туған өлкем!") лайық деп танылды.
Айта кетейік, қатысушылардың эсселері сайт поштасына 2019 жылдың 24 мамырынан бастап түсе бастады. Байқау барысында 130-ден астам жас жазушы өз жұмыстарын орыс және қазақ тілдерінде жіберді. Іріктеуден өткен 70-тен аса шығарма Massaget.kz және Tengrinews.kz порталдарында жарияланды және Жұлдыз FM мен Tengri FM эфирінде оқылды.
Барлық жарияланған шығарманы Отаным саған айтамын хэштегі арқылы оқи аласыздар.
