Екінші жеңіл салмақта өнер көрсететін қазақстандық боксшы Ержан Залиловтың (11-1-1, 5 КО) кәсіпқой рингке қашан оралатыны белгілі болды, - деп хабарлайды Vesti.kz.
BoxRec.com мәліметі бойынша, қазақстандық боксшы 7 наурызда ресейлік Екатеринбургтегі бокс кешіне қатысады. Ол жеңіліс дәмін татпаған тәжікстандық Асрор Вохидовпен (6-0, 3 КО) жұдырықтасады. Жекпе-жек алты раундқа жоспарланған.
Залилов соңғы жекпе-жегін 2018 жылы қыркүйекте өткізген болатын, сол кезде Мәскеуде жергілікті Александр Салтыковты (12-59-3, 7 КО) нокаутпен жеңген еді.
