"17 қыркүйекте әлем тоқтайды". Промоутер "Канело" - Головкин трилогиясы туралы

Matchroom Boxing промоутерлік компаниясының басшысы Эдди Хирн мексикалық Сауль "Канело" Альварес (57-2-2, 39 КО) пен қазақстандық Геннадий Головкин (42-1-1, 37 КО) арасындағы трилогияға қатысты пікір білдірді, - деп хабарлайды Tengrinews.kz тілшісі Vesti.kz сайтына сілтеме жасап.

24 мамырда үшінші жекпе-жек ресми түрде қашан өтетіні жарияланған болатын.

"Бұл жекпе-жекті жүргізу мен үшін абырой... 17 қыркүйекте әлем трилогияға куә болу үшін тоқтайды!!!" - деп жазды Хирн Instagram-да.

Еске салайық, Головкин мен Альварес бұған дейін Лас-Вегаста екі рет жұдырықтасқан - 2017 жылы боксшылар тең түссе, 2018 жылы Канело төрешілер шешімімен жеңді. 

GGG кейінгі жекпе-жегін сәуірде жапониялық Риота Муратаға қарсы өткізіп, 9-раундта техникалық нокаутпен жеңген еді. 

Ал Канело мамырда ресейлік Дмитрий Биволдан төрешілер шешімімен жеңіліп қалған болатын. 

Сілтемесіз жаңалық оқисыз ба? Онда Telegram желісінде парақшамызға тіркеліңіз!