Альварес Головкинге ресми ұсыныс жасады

24 Ақпан 2017, 13:46
0
Альварес Головкинге ресми ұсыныс жасады - Сауль Альварес және Геннадий Головкин. © fightsaga.com
Сауль Альварес және Геннадий Головкин. © fightsaga.com

Мексикалық боксшы Сауль "Канело" Альварес (48-1-1, 34 KO) WBA (Super), IBO, WBC және IBF тұжырымдары бойынша әлем чемпионы Геннадий Головкинмен жекпе-жек өткізу үшін ресми ұсыныс жасағанын мәлімдеді, - деп хабарлайды Vesti.kz.

"Головкинге жекпе-жек туралы ресми ұсыныс жасалды. Біз келісімшартты оның үстеліне қойдық. Енді жауабын күтіп отырмыз. Келісімшартқа Головкин келісім берген күні қол қоюға дайынбыз. Біз ұсынысты жасағанымызға біраз уақыт болды. Бірақ Головкин әлі жауап берген жоқ. Демек ол менімен жұдырықтасқысы келмейді деген сөз", - деп келтіреді Альварестің сөзін boxingscene.com порталы.

Еске салайық, Головкин мен Альварестің командалары жекпе-жекті өткізу туралы өткен жылдан бері келіссөздер жүргізіп келеді. Бірақ екі жақ әлі жекпе-жектің қаржылық шарттарына келісе алмай жатыр.

Айта кетейік, Головкин келесі кездесуін 18 наурыз күні америкалық Дэниель Джейкобспен, ал Сауль Альварес 6 мамырда Лас-Вегастағы "T-Mobile Arena" спорт кешенінде кімі Хулио Сезар Чавеспен өткізеді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай