+7 (777) 001 44 99
Қазақша
Русский
English
Қазақша
Русский
English
Ресейдің Кемеров қаласында өткен бүкіләлемдік бокс сериясындағы (WSB) "Ресей патриоттары" мен "Астана арландары" арасындағы ширек финалдың бірінші жекпе-жегі Қазақстан құрамасының пайдасына шешілді, - деп хабарлайды Vesti.kz.
Шешуші кездесуде 75 келі салмаққа дейін өнер көрсеткен Сапарбай Айдаров ресейлік қарсыласы Андрей Ковальчукты 3:0 (48:47, 48:47, 48:47) есебімен жеңіп, жалпы есепте "Астана Арланс" командасының пайдасына 3:1 есебімен жеңіс алып келді.
56 келі салмаққа дейін өнер көрсететін Ілияс Сүлейменов Максим Чернышевті айқын басымдылықпен 3:0 (49:49:46, 48:47, 48:47) есебімен жеңді, ал 64 келі салмаққа дейінгі кездесуде Ділмұрат Мижитов Алексей Мазурды 2:1 (48:47, 47:48, 48:47) есебімен ұтты. Ал 49 келіге дейінгі салмақ дәрежесінде өнер көрсететін Теміртас Жүсіпов ресейлік Батор Сагалуевтен айласын асыра алмады. Есеп - 0:3 (47:48, 47:48, 46:49). 91 келіге дейінгі салмақ дәрежесінде жұдырықтасатын отандасымыз Антон Пинчук Илья Квасниковтан бірінші раундта нокдаунға түсіп қалды, ал екінші раундта төреші кездесуді тоқтатып, отандасымызға техникалық жеңіліс берді.
Қарымта кездесу Қарағанды қаласында 20 мамырда өтеді.
Жекпе-жектер Астана уақытымен 18:00-де басталады. Vesti.kz порталында бұл кездесуді Роман Кушпелев пен Уәлихан Қосанбай жүргізді. Трансляция қазақ және орыс тілдерінде болды.
