"Астана Арландары" Мексикада жеңіске жетті

08 Ақпан 2014, 12:42
0
"Астана Арландары" Мексикада жеңіске жетті - "Астана Арландары". Фото: flickr.com
"Астана Арландары". Фото: flickr.com
Бүгін "Астана Арландары" Бүкіләлемдік бокс сериясы аясындағы кезекті кездесуін өткізіп, түзде "Мexico Guerreros" боксшыларын жеңді деп хабарлайды, Tengrinews.kz.

Шыны керек, жанкүйерлердің көпшілігі жеңіл салмақтағы жігіттеріміз ерекше сенім артып есе жібермес деп ойлаған. Алайда осы жобадағы тәжірибелі боксшыларымыздың екеуі де жеңіліске ұшырады... Бәрінен де Мирастың техникалық нокаутпен ұтылғаны жанымызға батты.

Орта және ауыр салмақтағы боксшыларымыздың арқасында Мексика командасын 3:2 есебімен ұттық. Әсіресе, ең ауыр салмақтағы хорват қыраны Филип Хргович жарады. Қарсыласын екінші раундта-ақ техникалық нокаутпен жеңді.

52 келі: Мирас Жақыпов – Элиас Емигдио – TKO R4

60 келі: Самат Бәшенов – Линдольфо Дельгадо Гарза – 1:2 (49:46, 47:48, 46:49)

69 келі: Манат Әмірзақов – Марвин Кабрера – 3:0 (49:45, 49:45, 50:44), (Ескерту – 0:1)

81 келі: Хрвое Сеп – Петру Чиобану – 3:0 (49:46, 50:45, 50:45)

+ 91 келі: Филип Хргович – Ренат Рахимов – TKO R2

Сөйтіп, "Астана Арландары" Бүкіләлемдік бокс сериясының "В" тобында екінші орынға орныға түсті. Қазақстан командасы 8 кездесуден 19 ұпай жаинап, өкшесін басқандардан ұзай түсті. Ал көш басында сол бұрынғысынша – Куба қабыландары. Олар жүз пайыздық көрсеткішпен (7 кездесу, 21 ұпай) жеткізер емес.

  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай