+7 (777) 001 44 99
Қазақша
Русский
English
Орта салмақта өнер көрсетіп жүрген қазақстандық боксшы Жәнібек Әлімханұлы колумбиялық Карлос Галванды АҚШ-та өткен бірінші жекпе-жегінде жеңіске жетті, - деп хабарлайды Vesti.kz.
Олардың жекпе-жегі Калифорния штатының Окленд қаласындағы Oracle аренасындағы бокс кешінің андеркартында өтті. Жекпе-жек алты раундтан тұрды. Төрешілердің бірауыздан шығарған шешімі бойынша 60-54 ұпаймен Әлімханұлы жеңіске жетті.
25 жастағы Әлімханұлы үшін бұл үшінші жеңісі (бір рет нокаутпен), ал 16 рет жеңіске жеткен (15 нокаут) 27 жастағы Галван спорттық мансабында сегізінші рет жеңіліп, бір рет тең түскен.
Айта кетейік, Әлімханұлы 2013 жылы әлем біріншілігін ұтып, 2016 жылы Олимпиада ойындарына қатысты. Кәсіпқой бокста ол 2016 жылдың қазан айынан бастап өнер көрсетіп келеді. Қазақстанда екі жекпе-жек өткізіп үлгерді.
Әлімханұлының келесі жекпе-жегі 3 қарашада АҚШ-тың Техас штатындағы Эль-Пасо қаласында өтеді. Оның қарсыласы 32 жастағы америкалық "Жыртқыш" лақап атымен танымал болған Вон Александермен (12-1, 8 КО) жұдырықтасатын болады.
