+7 (777) 001 44 99
Қазақша
Русский
English
Орта самлақтағы қазақстандық боксшы Жәнібек Әлімханұлы (10-0, 6 КО) тағы да әлем чемпиондарын айқасқа шақырды, - деп хабарлайды Tengrinews.kz тілшісі Vesti.kz сайтына сілтеме жасап.
"Маған тек чемпиондық жекпе-жек керек, басқасы қызық емес! Мен WBO рейтингінде екінші орындамын. Мен кез келген чемпионды жеңемін. Жыл соңына дейін әлем чемпионы болуым керек. Маған титулы жоқ боксшылар керек емес. Мен осыған дейін бұрынғы әлем чемпионын жеңгенмін", - деп жазыпты Әлімханұлы Twitter-дегі парақшасында.
I only need a championship fight, nothing else is interesting! I'm in number two in the WBO rankings. I'll beat any champion. Until the end of the year I have to become a world champion. I don't need boxers without a title. I beat even the former world champion. #boxing
— Janibek Alimkhanuly (@qazaqstyle) August 25, 2021
Еске салайық, қазақстандық боксшы маусымда өткен кейінгі жекпе-жегінде бұрынғы әлем чемпионы америкалық Роб Брантты мерзімінен бұрын жеңді.
Жекпе-жектен кейін Әлімханұлы WBO-ның орта салмақтағы чемпионы америкалық Деметриус Андрадені айқасқа шақырып, жетінші-сегізінші раундта нокаутқа түсіруге уәде берді.
Айта кетейік, дивизиондағы басқа да чемпиондық атақтарға америкалық Джермалл Чарло (WBC), жапониялық Риота Мурата (WBA Super) және қазақстандық Геннадий Головкин (IBF және IBO) ие.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
