Боб Арум Геннадий Головкин және Мэнни Пакьяо жекпе-жегін ұйымдастырмақ

Мэнни Пакьяоның промоутері Боб Арум филиппиндік боксшымен қазақстандық Геннадий Головкин жекпе-жегін ұйымдастырмақ ниетте, - деп хабарлайды Vesti.kz.

Сәуір айында Пакьяо спортпен қош айтысқанын жариялаған болатын. Дегенмен, боксқа қайта оралып, 5 қарашада Лас-Вегаста Джесси Варгаспен кездесу өткізеді.

"Егер Мэнни осы жекпе-жекті жақсы өткізсе, келесі қарсыласы Головкин болуы мүмкін", - дейді Арум.

2015 жылы Головкин Пакьяомен жекпе-жек өткізу арманы екендігін айтқан. Қазақстандықтың тағы бір қалауы ол жеңіліп көрмеген американдық кіші Флойд Мейвезермен қолғап түйістіру.