Мэнни Пакьяоның промоутері Боб Арум филиппиндік боксшымен қазақстандық Геннадий Головкин жекпе-жегін ұйымдастырмақ ниетте, - деп хабарлайды Vesti.kz.
Сәуір айында Пакьяо спортпен қош айтысқанын жариялаған болатын. Дегенмен, боксқа қайта оралып, 5 қарашада Лас-Вегаста Джесси Варгаспен кездесу өткізеді.
"Егер Мэнни осы жекпе-жекті жақсы өткізсе, келесі қарсыласы Головкин болуы мүмкін", - дейді Арум.
2015 жылы Головкин Пакьяомен жекпе-жек өткізу арманы екендігін айтқан. Қазақстандықтың тағы бір қалауы ол жеңіліп көрмеген американдық кіші Флойд Мейвезермен қолғап түйістіру.
Arum: "Manny may look so good in this fight (vs Vargas) we may look for Golovkin next!" Yes, he was joking (I think) #PacquiaoVargas #boxing
— Dan Rafael (@danrafaelespn) 24 октября 2016 г.