Бұрынғы әлем чемпионы: "Канело" Головкинді жеңеді

Екі салмақ дәрежесінде әлемнің экс-чемпионы никарагуалық Розендо Альварес жыл жекпе-жегі болып танылған Головкин - Альварес кездесуінің екінші жекпе-жегінде мексикалық боксшы қазақстандықтан басым түсетінін айтты, - деп хабарлайды Vesti.kz.

"Канело" жеңеді, себебі ол Головкиннің соққыларына төтеп бере алатынын біледі, ал GGG - шабуыл кезінде көп қателік жіберетін боксшы. Оның шабуылдары әсерлі емес, ол көп соққы жібереді. Иә, Головкиннің жойқын күші бар, бірақ барлығын ақылға салып істеген дұрыс. Олардың бірінші кездесуінде "Канело" ақылға салып жұдырықтасты. Жеңіске жетуі үшін оған тек соққыларын үдете түсуі керек еді", - деп жазады BoxingScene.com Альварестің сөзін. 

Головкин мен Альварестің командалары екінші жекпе-жек өткізу үшін келіссөздерді бастап кетті. Олар 2018 жылы 5 мамырда шаршы алаңда қайта кездесуі мүмкін.

Айта кетейік, Лас-Вегаста өткен жекпе-жек 12 раундтан тұрды. Жекпе-жек қорытындысы бойынша Головкин мен Альварес тең түсіп, Головкин барлық титулын сақтап қалды.

Сондай-ақ, кейінірек жекпе-жектің толық видеосы жарияланды. Сонымен қатар, Спорттық комиссия басшысы "Канелоның" пайдасына дауыс берген төрешіні шеттетті.