1. Басты
  2. Біл
  3. Спорт
  4. Бокс

Данияр Елеусінов ІBF топ-10 рейтингіне енді 03 желтоқсан 2020, 08:51

Қазақстандық боксшы Данияр Елеусінов (10-0, 6 КО) соңғы жекпе-жегіндегі жеңісінен кейін IBF рейтингінің үздік ондығына кірді, - деп хабарлайды
Фото: fightnews.info Фото: fightnews.info

Қазақстандық боксшы Данияр Елеусінов (10-0, 6 КО) соңғы жекпе-жегіндегі жеңісінен кейін IBF рейтингінің үздік ондығына кірді, - деп хабарлайды Tengrinews.kz тілшісі Vesti.kz басылымына сілтеме жасап.

Данияр Елеусінов рейтингте жартылай орта салмақ (66,68 кмлограмға дейін) дәрежесі бойынша тоғызыншы болып көтерілді. Дивизион чемпионы америкалық кіші Эролл Спенс, ал бірінші орында Өзбекстан боксшысы Кудратилло Абдукахоров тұр.

Айта кетейік, Елеусінов соңғы жекпе-жегін Голливудта (АҚШ, Флорида штаты) 28 қарашада Дэниэл Джейкобс - Габриэль Росадо бокс кешінің андеркартында өткізді. Қазақстандық боксшы екінші раундта бұрынғы әлем чемпионы намибиялық Джулиус Индонгоны (23-4, 12 КО) нокаутпен жеңді. Сол кезде жартылай орта салмақ дәрежесі бойынша IBF Intercontinental бос белбеуін алды.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!


Jah Khalib үйленді