+7 (777) 001 44 99
ПОДЕЛИТЬСЯ
Олимпиада чемпионы Данияр Елеусіновтің кәсіпқой бокстағы екінші кездесуіне қарсыласы ауысты, - деп хабарлайды Vesti.kz қазақстандық боксшының менеджері Зия Алиевке сілтеме жасап.
Олимпиада чемпионы Данияр Елеусіновтің кәсіпқой бокстағы екінші кездесуіне қарсыласы ауысты, - деп хабарлайды Vesti.kz қазақстандық боксшының менеджері Зия Алиевке сілтеме жасап.
Бастапқыда қазақстандық боксшының қарсыласы венгриялық Габор Горбич (24-11, 14 КО) болады деп жоспарланған еді. Ол жаттығу кезінде жарақат алып, шаршы алаңға шыға алмайтын болды.
Осылайша, Елеусіновтің келесі қарсыласы Венгрияның басқа бір боксшысы - Золтан Шабо болады. 24 жастағы Шабо кәсіпқой боксқа 2016 жылы қарашада келді. Ол спорттық мансабындағы тоғыз жекпе-жекті жеңіп, содан кейінгі кездесулерінде сәтсіздікке ұшыраған. Ол Ұлыбританияда, Венгрияда, Германия, Украина, Италия және Ресейде өнер көрсеткен.
Данияр Елеусінов 6 маусымнан 7 маусымға қараған түні Лондонда York Hall аренасында өнер көрсетеді. Қазақстан жерінде кездесуді тікелей эфирде көрсетеді. Жекпе-жек Астана уақытымен 1:55-те басталады.
Еске салайық, Данияр Елеусінов кәсіпқой бокстағы бірінші кездесуін 28 сәуірде Нью-Йорк қаласындағы Barclays Center спорт кешенінде орта салмақтағы америкалық боксшы Дэниэл Джейкобс (33-2, 29 КО) пен польшалық Мацей Сулецки (26-0, 10 КО) арасындағы бокс кешінің андеркартында өткізді. Алты раундқа жоспарланған жекпе-жекте отандасымыздың қарсыласы америкалық Ноа Кидд (3-1-1, 2 КО) болды. Сол кездесуде Елеусінов төртінші раундта қарсыласын нокаутқа түсіріп, жеңіске жетті.
