+7 (777) 001 44 99
Қазақша
Русский
English
Орта салмақтағы чемпион титулына бұрынғы үміткер америкалық Вилли Монро (21-2, 6 КО) WBA (Super), IBO, WBC және IBF тұжырымдары бойынша орта салмақтағы әлем чемпионы қазақстандық Геннадий Головкин (37-0, 33 КО) мен мексикалық Сауль "Канело" Альварестің (49-1-1, 34 КО) жекпе-жегіне қатысты пікірін білдірді, - деп хабарлайды Vesti.kz.
Айта кетейік, 16 қыркүйекке белгіленген жекпе-жекте Вилли Монроның өзі де екінші рет әлем чемпионы титулы үшін таласады. Ол ұлыбританиялық Билли Джо Сондерспен (24-0, 12 КО) жекпе-жек өткізеді.
"Өтірік айтпай-ақ, қояйын. Мен Головкин - Альварес жекпе-жегін асыға күтіп отырмын. Мен де боксшымын, сондай-ақ, мен де жанкүйермін. Екеуіне де ұлы боксшылар ретінде қараймын. Билли Джо Сондерспен жұдырықтасып болған соң, WBO титулымен Головкин - Альварес жекпе-жегін қараймын", - дейді америкалық боксшы.
Сонымен қатар, Вилли Монро бұл жекпе-жекті кімнің жеңіске жетуі мүмкін екенін айтып өтті.
"Әзірше кімнің жеңетінін айта алмаймын. Мен олардың біреуімен жекпе-жек өткізгім келді. Бірақ, меніңше, "Канело" Головкинді жеңе алады. Әригне, Головкиннің де жеңіске жеткенін қалаймын. Головкин жеңсе, реванш ала аламын. "Канеломен" өтетін жекпе-жектің маған көп ақша әкелетінін білемін, бірақ Головкинмен де жұдырықтасқым келеді", -деп келтіреді Монроның сөзін Boxingnews24.com. басылымы.
Еске сала кетейік, Монро Головкинмен 2015 жылдың мамырында кездесіп, 6-шы раундта техникалық нокаутпен жеңіліп қалған болатын.
Головкин - Альварес жекпе-жегі 16 қыркүйекте Лас-Вегаста 20 мың адамдық T-Mobile аренасында өтеді. Бокс кешіне барлық билет сатылып қойды.
