+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Геннадий Головкин Астанада жекпе-жек өткізе алады. Бұл туралы бокстан WBA (Super), IBO және WBC (Interim) тұжырымдары бойынша әлем чемпионы елордада өткен баспасөз мәслихатында баяндады, - деп хабарлайды Tengrinews.kz тілшісі.
Геннадий Головкин Астанада жекпе-жек өткізе алады. Бұл туралы бокстан WBA (Super), IBO және WBC (Interim) тұжырымдары бойынша әлем чемпионы елордада өткен баспасөз мәслихатында баяндады, - деп хабарлайды Tengrinews.kz тілшісі.
"Мен Астанаға келіп, әкіммен кездестім, жоспарларыммен бөлістім. Астанаға жекпе-жек сыйласам деген зор тілегім бар. Мұндай жекпе-жек өткізуге болады. Сондай жекпе-жек - бокстың үлкен кешін өткізгім келеді. Қашан екенін айта алмаймын, бірақ сондай ниетім бар", - деп мәлімдеді Геннадий Головкин. Айта кетейік, мұның алдында Астана әкімі Әділбек Жақсыбеков Головкинге Астанада жекпе-жек өткізуді ұсынған еді.
Еске сала кетейік, 2015 жылдың 21 ақпанында Геннадий Головкин ағылшын боксшысы Мартин Мюрреймен шаршы алаңда кездеседі. Боксшы келесі жекпе-жегін мамыр айында өткізетінін хабарлады. "Менің 21 ақпанда жекпе-жегім бар. Мамырда Сауль Канело Альвареспен және Мигель Коттомен үлкен кездесу өткіземін деп үміттенемін. Сонымен бірге, басқа міндеттемелер де бар. Белбеуді қорғаудың міндетті жекпе-жегін өткіземін", - деді боксшы.
Геннадий Головкин өзіне қарсылас болуы әбден мүмкін боксшыларды атады. "Біз неміс телеарнасымен ынтымақтастықтамыз. Олар үнемі біздің жекпе-жегіміздің трансляциясын сатып алып тұрады. Маған оған қатысу ұнады. Артур Абрахам немесе Феликс Штурм. Бұлар менің қарсыластарым болуы мүмкін. Олар танымал, солармен кездесетін шығармын", - деді ол.
Қазақстан боксшысы мұның алдында 18 қазанда АҚШ-та шаршы алаңға шыққан еді. Головкин мексикалық Марко Антонио Рубионы екінші раундта нокаутқа түсіріп, орта салмақтағы WBA (Super) и IBO чемпиондары мәртебесін қорғады және WBC уақытша чемпионы белбеуін жеңіп алды. Кәсіпқой алаңда ол барлығы 31 жекпе-жек өткізді, бәрінде жеңіп шықты. 28 жекпе-жегін қарсыласын нокаутқа түсіріп аяқтады. Баспасөз мәслихатынан соң боксшы Назарбаев Университетіндегі жанкүйерлерімен кездеседі. Сонымен бірге, футболдан Қазақстан Кубогының "Қайрат" пен "Ақтөбе" командалары арасындағы финалдық матчын тамашалауды жоспарлап отыр.
